Finland waxaa laga helay 193 qof oo cusub oo qaba feyruska korona.
Hay’adda caafimaadka iyo nololwanaagga THL ayaa shaaca ka qaadday in Talaada 27.10.2020 laga helay feyruska korona 193 qof oo hor leh dalkaan Finland. Tirada guud ee dadka laga helay feyruska korona ee Finland ayaa gaareysa 15 163 qof.
Labadii toddobaad ee ugu dambeeyay waxaa dalka laga helay feyruska 2 664 qof, taasoo 57 qof dheer tiradii laga helay feyruska labadii toddobaad ee ka sii horreeyay
Xanuunka feyruska korona awgiis waxaa isbitaalka ku jira 70 qof sida ay sheegtay hay’adda THL, 11 kamid ah dadkaasna waxaa ay ku jiraan qaybta xaaladda aadka u daran.
Haatana shaxda muujineysa dalalka ugu badan caalamka ee tirada laga helay feyruska korona ay kor u dhaaftay halka milyan
| Dalka | Tirada guud ee feyruska | Tirada guud ee dhimashada | Tirada cusub ee feyruska | Tirada cusub ee dhimashada |
| Maraykanka | 8,9 milyan | 230 510 | 69 841 | 529 |
| Hindiya | 7,9milyan | 119 030 | 36 838 | 505 |
| Baraaziil | 5,4 milyan | 157 163 | 17 442 | 288 |
| Ruushka | 1,5 milyan | 26 050 | 17 347 | 219 |
| Faransiiska | 1,086 milyan | 34 761 | 33 417 | 257 |
| Spain | 1,1 milyan | 34 752 | 19 851 | 193 |
| Argantiin | 1,081 milyan | 28 896 | 11 712 | 405 |
| Kolombiya | 1,007 milyan | 30 154 | 9 167 | 194 |
